Yeh baat samajh mein aaye nahein :-S

.

Ye baat samajh main aai nahi

Aur Ammi ney samjhai nahi

Main kaisay meethi baat karoon?

Jab meethi cheezein khai nahi

Aapi bhi pakaati hain Halwa

Woh aakhir kiyon 'Halwaai' nahi?

Bhayya ki mangni ho gai kal

Kyun kal hi 'Dulhan' mangwaai nahi?

Ye baat samajh main aai nahi

Naani ke miyaan jab Nana hain

Dadi ke miyaan jab Dada hain

Tab Aapi se main ne poocha

Baaji ke miyaan kiya 'Baaja' hain?

Woh huns huns kar youn kehnay lagi

A bhai nahi youn bhai nahi

Ye baat samajh main aaai nahi

Jab naya maheena aata hay

Bijli ka bill aa jaata hay

Halaankey Baadal bechaara ye bijli mufft Lutata hay

Phir hum ne apnay ghar Bijli Kyun Badal se lagwaai nahi?

Ye baat samajh main aai nahi

Gar Billi ' Shair' ki khala hay?

Phir hum ne ussay kyun pala hay?

Kiya 'Shair' bohat nalaayak hay?

Khala ko maar nikala hay?

Ya jungle ke Raja kay yahaan Kya milti doodh malaai nahi?

Ye baat samajh main aai nahi

Kiyoon Lambay baal hain bhaalu ke?

Kyun uss ki tind kraai nahi?

Kiya woh bhi Ganda bacha hay?

Ya uss ke Abbu bhai nahi?

Yeh uss ka 'Hair Style' hay? Ya Jungle main koi Naai nahi?

Ye baat samajh main aai nahi

Jo Taaray jagmag kartay hain

Kya unn ki ' Chachi Taai' nahi?

Ho ga koi rishta sooraj se?

Ye baat humain batlaai nahi

Par Chanda kaisa mamoo hay?

Jab ammi ka woh 'bhai' nahi?
Ye baat samajh main aai nahi Aur Ammi ne samjhaai nahi

Main kesay meethi baat karoon?

Jab meethi cheezein khai nahi...

.